” ياموطني “

صحيفة عيون الوطن الإخبارية                                                                                                                         

 

ياموطني ترسي على مجدك جبال
‏تشمخ    وترقا    والفخر   يرتكيله
‏صنايعك بالمجد   تفخر   وتختال
‏تصدح على طيب الفعول الثقيله
‏يالمملكه  مادام  بحدودك  رجال
‏انسي المواجع   والعلوم   الهزيله
‏تبقين واسيادك على   عزك امثال
‏متوارثين    المجد    كلن    يشيله
‏ومواقفن يشهدلها   حزم   الابطال
‏بارض اليمن يوم اليمن طاح حيله
‏وجه لها    محمد   كوارث  وزلزال
‏وجيوش تسمع   للمفاخر  صهيله
‏اللي قطع ايران  واجناس   الانذال
‏واللي قطع   فالشرذمه   والعميله
‏حدودك  فخر يطربلها طيب الفال
‏كم دولتن من ضرب  ادينه ذليله 
‏كنه مثل جده على نفس الامال
‏في هيبته ولا   الشبه   والشكيله
‏هذا حفيد المجد في كل الاحوال
‏ ‏اللي    المفاخر  كلها    تنتميله
‏ياموطني في ارضك المجد مازال
‏ماغاب من بعض الحروب وحصيله
‏انتي القداسه فيك تحتار الاقوال
‏ياكعبة    الاسلام   واللي    يجيله
‏و ارواحنا دونك    كثيرات   وقلال
‏تفدا طهارة   تربتك  مع   نخيله

 


                                                                                                         الشاعرة سميرة العتيبي